{ LIFESTYLE }
08 Mar 2018
邊行街邊賞櫻!整合3、4月京都必行市集



每逢櫻花季節都總會有海量嘅朋友去日本玩,今年各位sis又有冇買定機票去日本呢?但去得日本嘅,又點可以只係睇櫻花唔行街呢!知道各位香港人假期珍貴,今次小編就幫大家整合京都3、4月必行市集,有啲地方更可以邊行邊賞櫻架!


百萬遍手作市集







講到京都數一數二有名嘅市集,又點少得百萬遍手作市集!每月15號都會係京都大學附近嘅百萬遍知恩寺舉辦,每次都有大約300個攤檔,販賣不同嘅手工藝品丶飾物丶食具丶衣服丶甚至係果醬同麵包,仲要全部都係手作自家製,係手作愛好者必去嘅市集!

INFO.
舉辦日子:每月15日
時間:8:00~16:00(雨天照常舉行)
地址:京都市左京区田中門前町 知恩寺境内(從京都站搭乘市內巴士206、17號於「百万遍」下車即可到達。)


平安樂市







同樣以手作為主嘅京都市集,售賣品以帆布製品居多,例如手製布袋、帽、服飾等等。另外重點係,市集會係岡崎公園舉行,若然花期較晚的話,記得去埋平安神宮睇櫻花喇!

INFO.
舉辦日子:每月第二個星期六
時間:10:00~16:00(雨天照常舉行)
地址:京都市左京区・岡崎公園(地下鉄東西線「東山駅」下車徒歩約8分鐘即可到達。)



北野天滿宮-天神市





同樣又想行街又想睇櫻花嘅朋友,呢個北野天滿宮市集都唔可以錯過喇!市集多大多售賣二手衫以及古物居多,價錢非常抵買架!行完街喇,就記得去埋平野神社,內裡有上百種櫻花,花期亦長,賞櫻一流呀~

INFO.
舉辦日子:每月25號
時間:6:00~16:00
地址:北野天滿宮 京都府京都市上京区馬喰町(從JR京都站轉乘市內巴士50、101號,於「北野天滿宮前」下車即可到達)


梅小路手作市集







每個月嘅第一個星期六都會舉行嘅梅小路手作市集,佔地寬敞,特別適合一家大細去。市集同樣充斥住滿滿嘅手作產品,有女生都喜歡嘅飾物、自家服裝品牌,或者係生活雜貨都一應俱全,行一個下午都冇問題呀!

INFO.
日期:每月第 1 個星期六( 1月及5月為定休 )
時間:9:00~16:00( 雨天照常舉行 )
地址:京都市下京区梅小路公園(京都站搭乘市內巴士205、208號至「梅小路公園前」即可到達。)

Source:#天神さん#知恩寺手作り市#平安楽市

YOU MAY ALSO LIKE
News
Feature
Blog
02 Sep 2018
Load more
 
NOTIFICATION